मूड़न होएतन्ही बौआ के
धोती भेटतैक नौआ के
किछ पैसा लगतैक चरहुआ में
आओर साड़ी भेटतन्हि बाँकी के

लागल चूना देखौंसी में
जेना मूडी फंसल कनौसी में
छन्हि शौख बहुत कनिया के
देथिंह कनौसी सोना के

गाम-समाज कह्तैक की
छन्हि चिंता विदेश कमौआ के
तैं करताह सभ विधि व्यवहार
जेकर ज्ञानों ने छन्हि बौआ के

देह में जेनउ ने चाही हुनका
पर वचन साँ दृढ़ बहुत छथि
जे मूडन त होयेबेक चाही
ई छन्हि कथन बुझौआ के

बॉस कहल्खिन्ह छुट्टी नहि
बैंक कहलकन्हि कर्जा नहि
अहि आर्थिक रिसेस्सन में
बिक गेल जमीन देखौआ के